Lëu bukku yïn ya kony wudë në anuɛɛn ke lööŋ yiic
Wël cï kek gɔ̈t piiny ëtënnë acï kek bɛ̈ibei ëke bï ya luui në tiɔm de Wurundjeri nhom ëbën.
Wël cï kek gɔ̈t piiny ëtënnë aye yith bï röt jɔɔk në pɛɛi de tök ë ruɔ̈ɔ̈n de 2022 yic.
Anuɛɛn ke lööŋ aalëu bïkkë yïn ya cɔk yök rɔt ke yï cï naŋ dhuruup, yekkë yïn jat piɔ̈u wei, yekkë yïn gäm dhuɔ̈ɔ̈r de piɔ̈u, ka yekkë yïn kɛɛc piɔ̈u arëëtic. Ayukku ŋic ke yï lëu ba piɔ̈u ya tɔ̈ wuya në ye thaa bïn wuɔɔk ya cɔɔl kënnë yic. Wɔ lëu bukku yïn ya kony në ye thɛɛr tɔ̈ yïn kek në anuɛɛn ke lööŋ yiic.
Lëu ba wuɔɔk ya guiɛ̈ɛ̈r anuɛɛnkuɔ̈ɔ̈n ke lööŋ tɔ̈ yïn kek thïn yiic wudë?
Anɔŋ kuɛɛr kaadiäk bïnke wuɔɔk ya guiɛ̈ɛ̈r anuɛɛnkuɔ̈ɔ̈n ke lööŋ tɔ̈ yïn ke thïn yiic. Yïn lëu ba:
- Akut de Legal Help ya yuɔ̈p në 1300 792 387
- Gätë wuɔɔk në aliiric në webchat yic
- Nem mäktam töŋ de mäktɛɛp kuɔ.
Ago yekënnë dac ya looi, akɔɔr ba awarak ya guik në kë de ye këduɔ̈ɔ̈n nuan yïn kënnë yic. Waragɛŋ kënnë alëu bï ya kë cennë yïn kuum ka athöör ka yimeeil cï tuɔ̈c yïn ɣön de luk, cï tuɔ̈c yïn në raanduɔ̈ɔ̈n de löŋ, ka cï tuɔ̈c yïn në bolith.
1. Yuɔ̈pë Legal Help
Yïn lëu ba ba akut de Legal Help ya yuɔ̈p në 1300 792 387.
akut de Legal Help ee ɣɔ̈ɔ̈r në yom tëneen agut cï yom jimma, në kaam de thaa 8 miäkduur agut cï thaa 6 thëëi. Ku ka ye thiöök thok në nïn amatnhïïm ke baai ke ajatha.
Wëu bïn kek ya cööt aabï ya thöŋ kennë wëu yïn keek cööt në telepuun ye pëk baai ëtënnë.
Raan ëbën aye loor ago akut de Legal Help ya yuɔ̈p.
Na ca akut de Legal Help ya yuɔ̈p, ke yïn lëu ba ya tïït amääth. Akɔɔr ba dɔc ya cööt miäkduur të ben rɔt ya lëu.
Kän alëu bï rɔt dac ya looi të bïn wuɔɔk ya gät në webchat da yic.
Lëu ba ya jam në thoŋ de paanda yic?
Kɔc lui në mäktɛɛp kuɔ yiic aye jam në thook juëc wääc yiic arëëtic. Na cukku ye jam në thoŋ de paanduɔ̈nic, ke wɔ bï yïn ya guiɛ̈k agamlöŋ bï yïn ya waar thok në ye thaar cïn wuɔɔk cɔɔl kënnë yic.
Akɔɔr ba deet ëtënnë mɛn nɔŋ të ye ɣok jam në thoŋ de paanduɔ̈nic jaamë në thoŋ de paanduɔ̈nic.
Lëu bï raandɛ̈t peei ya cööt në nyindiɛ̈ yic?
Ee yic. Raan lui kennë ɣok ka raanduɔ̈ɔ̈n ca deet piɔ̈u ye kuɔɔny gäm kɔc alëu bï ya cööt në nyindu yic. Kän abï ya piath të tɔ̈yïn wennë raanduɔ̈ɔ̈n lui kenë yïn ka raan ye kuɔɔny yiɛ̈n kɔc të cööt kek në telepuunic. Kɔc lui aabï lööŋ cï kek tääu në telepun nyin ya cɔk kuany kek cök.
Lëu ba ya cööt në namba de Akut de National Relay Service?
Ee yic. Anɔŋ kuɛɛr wääc yiic bïn kek ya cööt në kek kuɛɛr ëtënnë:
- TTY: yuɔ̈pë kek në 133 677 ku yuɔ̈pë 1300 792 387
- Akut de jaamë ku piɛ̈ŋë (Speak and Listen): yuɔ̈pë kek në 1300 555 727 ku yuɔ̈pë 1300 792 387
- Internet Relay: lɔ në wɛbthait kënnë yic nrschat.nrscall.gov.au ku yuɔ̈pë 1300 792 387
- SMS Relay: Gätë 0423 677 767
- Video Relay: Jaamë në Skype ka app de National Relay Service app.
Yïn bï rɔt kɔn ya cɔk gäär rin tënnë Akut de National Relay Service ke yï kën guɔ luui në ye loilooi käkë yic.
2. Gätë wuɔɔk në webchat yic (Në thoŋ de Liŋëlith yetök)
Gätë wuɔɔk në webchat, ye cɔlë Legal Help Chat yic, ago raandaan lui në mäktamda yic ya tuɔ̈c athöör në kë de käkuɔ̈ɔ̈n nuan yïn alɔŋ de lööŋ yiic. Raandaan lui në mäktamda yic abï käkuɔ̈ɔ̈n ca kek ya thiëëc kedhiɛ ya dhuk nhïïm. Alëu bïkkë ya lɛ̈k yïn ago akut de Legal Help ya yuɔ̈p të kɔɔr yïn kuɔɔny dïït dɛ̈t peei tënnë keek.
3. Nem wuɔɔk
Yïn lëu ba mäktɛɛp kuɔ ya neem yiic. Mäktɛɛp kuɔ aatɔ̈ në Melbourne ku jɔl ya ɣän kedhiɛ ke Victoria. Akɔɔr ba ɣän tɔ̈nnë mäktɛɛp kuɔ thïn ɣän tɔ̈nnë mäktɛɛp kuɔ thïn ya deet ëtënnë.
Yïn bï ya guik në köölduɔ̈ɔ̈n bï ya gäm yïn ago bɛ̈n ya jam wennë raandaan de löŋ ëtënnë.
Mäktɛɛp kuɔ aye naŋ kä yennëke yith nhial (ramps ka lifts) ku ka ye piath kennë läi ye cath kennë yïn.
Yeeŋö bï rɔt ya looi të cïn wuɔɔk ya yuɔ̈p
Yïn bukku ya thiëëc në thuɛl juëc arëëtic. Kän abï wuɔɔk ya kuɔny ago wuɔɔk ya cɔk det kë lëu bukku ya gäm yïn.
Këriɛ̈ɛ̈c ëbën ba ya lɛ̈k wuɔɔk abï ya athiaan në kaamda wɔnnë yïn. Ku kaa cukku kek bï bɛɛr ya lɔ guiɛ̈ɛ̈r kɔc kɔ̈k peei, agut cï ba kɔn ya lɛ̈k wuɔɔk të bï wuɔk kee wël käkë ya guiɛ̈ɛ̈r kɔc kɔ̈k peei.
Wɔ lëu bukku yïn ya kuɔny në anuɛɛn juëc kuɔ̈ɔ̈n ke lööŋ yiic. Na cukku lëu bukku käkuɔ̈ɔ̈n ca kek thiëëc kedhiɛ ya dhuknhïïm, ke wɔ bï yïn ya gäm namba de raan dɛ̈t peei bï yïn ya lɔ kuɔ̈nybei ëtënnë. Kän alëu bï ya akutnhom tɔ̈ piɔmduɔ̈n ye luui në kä ke lööŋ ka raan ye löŋ ye luui në rɔtde.
Lëu bukku kuɔɔny ya gam wudë
Wël ke lööŋ ku jɔl ya wël ke jiɛ̈ɛ̈m
Wɔ lëu bukku yïn ya guiɛ̈ɛ̈r në tän de lööŋ ku jɔl ya käkuɔ̈ɔ̈n lëu ba kek ya lɔc në käŋ yiic.
Wɔ lëu bukku kee käkë ya looi ëyadɛ̈ŋ:
- Bukku yïn ya tuɔ̈c wël
- Bukku ya jam wɔnnë yïn ke yï kën guɔ lɔ në luk nhom
- Bukku yïn ya rek wenë akutnhïïm kɔ̈k peei ye luɔɔi ku kuɔɔny kënnë gäm kɔc
- Bukku athöör ya gät kɔc
- Bukku ya jam në nyinduic në luk në luk nhom.
Kän abï ya pëk në:
- Käkuɔ̈ɔ̈n nuan yïn në lööŋ yiic
- Ciin de wëukuɔ̈ɔ̈n tɔ̈ kennë yïn.
Wɔ lëu bukku yïn ya gäm kuɔny dït dɛ̈t peei të:
- Të cïn ë jam apieth në thoŋ ë Liŋëlith
- Të niɔɔp yïn ka tënɔŋ en tuany tɔ̈ në yïnhom
- Të yïn raan de kuan de Aboriginal ku/ka ye kuan de Torres Strait Islander.
Wɔ lëu bukku kuɔɔny ya guiɛ̈ɛ̈r yïn ago ya jam wennë wuɔɔk, cï men de kuɔɔny bennë yïn ya gäm agamlöŋ bï yïn ya lɔ waar thok ka kuɔɔny ba ya yök tënnë akutnhom de National Relay Service.
Wɔ lëu bukku ya jam wɔnnë yïn në kueer lëu bïn kuɔɔny dɔc ya yök.
Lɛ̈kë wuɔɔk të kɔɔr yïn en thïn ku wɔ bï yïn ya guiɛ̈ɛ̈r wël thiekiic ba kek ya kɔɔr në yekënnë yic.
Duty lawyers
Duty lawyers ku aye luui në ɣööt ke luɔ̈k yiic në Victoria yic ëbën. Ku kaa lëu bïkkë kuɔɔny ya gam në kä ke anuɛɛn ke lööŋ yiic. Aalëu bïkkë yïn ya kony në raan de löŋ në ye köölduɔ̈ɔ̈n de luk kënnë yic të cïn yïn nhom raanduɔ̈ɔ̈n de lööŋ tɔ̈ kennë yïn. Na lɔ në luk nhom ke yï cïn nhom raan de lööŋ, ke yï thiëc ɣön de luk agokë yïn cɔk jam wennë duty lawyer. Yïn lëu ba ya thiëc në loilooi juëc kɔ̈k peei ye kek gam ëtënnë lëu bïkkë yïn ya kuɔny.
Na lɔ në luŋ de Magistrates’ Court nhom në kë cennë bolith yen lueel wu ca löŋ dhoŋkɔ̈u, ke yïn lëu ba kɔn ya jam wennë duty lawyer ke yï kën guɔ lɔ në löŋ nhom. Guik wël juëc kɔ̈k peei në kë de kee loilooikuɔɔn käkë yiic ke Help Before Court service.
Na lɔ në luŋ de bɛ̈i nhïïm (Family Law Courts) yiic, ke yïn lëu ba ya jam wennë raandaan de Family Advocacy and Support Services ke yï kën kɔn lɔ në luk nhom.
Kuɔɔny dɛ̈t peei ye gäm kɔc
Wɔ lëu bukku yïn ya gäm kuɔɔny në kë de käkuɔ̈ɔ̈n nuan yïn alɔŋ de lööŋ yiic.
Akut de Independent Mental Health Advocacy aalëu bïkkë yïn ya kuɔny tënɔŋ yïn tuany de nhom kuɛny yïn töök de cök.
Akutdaan de Independent Family Advocacy and Support alëu bï kɔc nɔŋ nhïïm mïth ku jɔl ya kɔc ye nyïn tïït në kek ya kuɔny në thɛɛrkeen tueeŋ ye kek luui në ajuiir ye kek mïth tiit yiic.
Na täukë në puɔ̈k yic wennë raanduɔ̈ɔ̈n cïï we röt thiaak, ke akutdaan de Family Dispute Resolution Service aalëu bïkkë yïn ya kony ago lööŋkuɔ̈ɔ̈n kɔɔr bäkkë kek ya dööt ya kuanycök. Cï men de, we ye nyïn tiit në mïth thii kor.
Na kɔɔr wël juëc kɔ̈k peei në kë de käkuɔ̈ɔ̈n nuan yïn ke lööŋ yiic
Ke wɛbthait da anɔŋic wël juëc wääc cï kek gɔ̈ɔ̈r në kä ke anuɛɛn ke lööŋ.
Yïn lëu ba yï nyin ya tääu në wɛbthaitda yic ka ba ya kueen në adin ye wël tɔ̈ në marayat nyïn kueen (screen reader).
Nɔŋ wël piɔl yiic ye keek dɔc kueen ka tɔ̈ukë në thoŋ de paanda yic?
Wɔ nɔŋ athöör juëc yukku kek gam abac ye jam në wël ke lööŋ, mɛn ye tɔ̈ në thook juëc wääc yiic ku piɔlkë yiic ago kek ya dɔc kueen. Yïn lëu ba athöörkuɔɔn käkë ya kueen në ye apämdaan de catalogue page kënnë yic ëtënnë.
Yïn lëu ba ya kueen në adin ye wël tɔ̈ në marayat nyïn kueen (screen reader) ago wëlkuɔɔn cukku kek ya guɔ̈tbei ya kueen.
Alɛɛc
Akutnhom daan de Shared Experience and Support ku jɔl ya akutnhom daan de Speaking from Experience kek aacï ye apäm kënnë cɔk gät.
Updated